Британските власти даваат пари на сопственици на стари автомобили за да престанат да ги возат
Британските власти ќе платат до 3.000 фунти (4.200 американски долари) на возачи за да се откажат од своите автомобили според новата иницијатива за подобрување на квалитетот на воздухот, објави „Тајмс“.
За првпат, возачите на автомобили што многу загадуваат ќе можат да добиваат пари од државата за да ги предадат своите автомобили во замена за „кредити“ што ќе се користат за јавен превоз, велосипеди, електрични скутери, заеднички автомобили и такси. Шемата има за цел да ја намали зависноста од автомобилите во градовите и со тоа да го намали метежот и загадувањето на воздухот.
Таа иницијатива ќе почне во Ковентри, Централна Англија, напролет со фокус на возачите на најзагадувачки автомобили – со дизел мотори произведени пред 2016 година и бензински модели произведени пред 2006 година.
Програмата ќе трае две години, по што ќе се проценува нејзината ефикасност.
Според Министерството за транспорт, во 2019 година Британците патувале вкупно 574 милијарди километри со своите автомобили, што е зголемување за 11 проценти во споредба со пет години порано.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп