Брнабиќ: Сакаме од 21 јуни да ја отвориме Србија за прослави, услов е вакцинацијата
Сакаме од 21 јуни да ја отвориме Србија за прослави, но за тоа треба да имаме целосно вакцинирани 50 отсто од полнолетната популација и затоа ве повикувам да се вакцинирате, изјави денес премиерката на Србија, Ана Брнабиќ, јави дописникот на МИА од Белград.
-Скоро 70% од сè што извезуваме оди на пазарот на ЕУ, кажа таа, истакнувајќи дека Србија учествува во Економски инвестициски план на ЕУ за Западен Балкан со енергетски и инфраструктурни проекти.
Брнабиќ кажа и дека за тоа е важен процесот на вакцинација, како и дека претседателот на Србија „го поставил реперот” Србија да постигне економски раст помеѓу шест и седум отсто, што ќе значи повисоки плати и пензии.
По завршувањето на вчерашната седница на Кризниот штаб, покраинскиот секретар за здравство, Зоран Гојковиќ, изјави дека се предложени ублажени мерки за фризери и организаторите на стручните собири.
Тој додаде да доколку продолжи поволниот тренд на бројот на новозаболени и бројот на вакцинирани, можно е од 21 јуни да се организираат колективни настани .
-Сите фризерски продавници можат да работат под услови кои се помалку ригорозни од порано – имаа ограничувања на девет квадратни метри по лице, се враќаме на она што беше пред есента, а тоа се четири квадратни метри со маски и одржување на растојание, кажа Гојковиќ.
Наредното олеснување на мерките ќе биде за организаторите на стручните собири.
-Тие можат да се одржат, ограничено е на најмногу 100 учесници, со почитување на сите мерки, маски и растојанието, кажа Гојковиќ.
Директорот на Канцеларијата за информатички технологии и електронска администрација на Владата на Србија, Михаило Јовановиќ, посочи дека Србија има доволен број вакцини и дека во овој момент се дадени 3.990.000 дози вакцини.
Ново на Сител
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ
-
Министерство за здравство: Ќе се утврдат причините за смртта на 14-месечно бебе