Бугарија со стимулаци ќе привлекува наставен кадар за одалечените реони

Бугарската Влада од јануари 2018 година ќе започне да нуди дополнителни стимулации за привлекување на наставен кадар во поодалечените населени места во земјата, најави новиот министер за образование и наука на Бугарија, Красимир Велчев.

Како што јави БТА, Велчев истакна и дека бугарските просветни работници од 1 септември ќе добијат покачување на платите од 15 отсто.

На новинарско прашање дали се планира затворање на училишта, Велчев рече дека „мрежата од образовни институции во земјата ја достигнала крајната граница на својата оптимизација во речиси сите општини“.