Бурата Офелија ја зема првата жртва во Ирска
Бурата Офелија денеска го погоди јужниот брег на Ирска, при што загина една 70-годишна жена, откако врз нејзиното возило паднало дрво.
Бурата предизвика бранови кои достигнуваат и до 10 метри височина.
Околу 210.000 домаќинства останаа без електрична енергија.
- Офелија е многу опасна бура. Последниот пат кога имавме вакво невреме загинаа 10 лица, наведе ирскиот премиер Лео Варадкар.
Тој предупреди дека и по преминувањето на бурата ќе останат многу опасности поради паднатите дрвја и далноводи.
Велика Британија издаде предупредување за поплави.
Како последица од Офелија, во местото Корк, се урнал дел од трибината на фудбалскиот стадион.
Во текот на ноќта Офелија ослабна од ураган во бура, а ветрот достигна брзина од 176 километри на час.
- Ударите на ветрот се опасни по живот, предупреди претставникот на ирската Национална служба за вонредни ситуации, Шон Хоган.
Сите образовни институции во Ирска се затворени поради невремето.
Во Шкотска, Велс и делови на Англија е издадено „жолто-предупредување“.
Метеоролозите нагласија дека Офелија е најсилниот ураган некогаш забележан во Атлантскиот Океан и прв од 1939 година што „пристигнал“ толку далеку на север.
Ново на Сител
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа
-
Денеска е Светски ден на чоколадото