Цакалотос ги обвини кредиторите за двојни стандарди

Грчкиот министер за финансии Евклидис Цакалотос ја обвини денеска Германија и другите кредитори за двојни стандарди поради спорот со Меѓународнот монетерен фонд (ММФ), поради што може да доцни следната транша од спасувачката програма за Атина, пишува денеска весникот „Катимерини“. 

На прес-конференцијата во Франкфурт, Цакалотос истакна дека кредиторите го поддржуваат ММФ кога настојуваат за реформи, но стојат настрана кога се апелира за помалку оптоварувања за Грција, со цел да се задржи стабилноста на плаќањата на долговите, наведува весникот. 

- Доколку Холандија и Германија го сметаат ММФ за одлична институција, тогаш треба да слушнат што таа институција зборува за грчкото должничко бреме, нагласи Цакалотос.