Царовска: Училишна матура и стручен испит се избори за оние кои не сакаат да полагаат државна матура
Државната матура е изборна и оние кои не сакаат да ја полагаат, имаат можност да изберат училишна матура или стручен испит, и може да полагаат токму тоа што го бараат – два предмета и проектна задача – го повтори и денеска ставот министерката за образование и наука Мила Царовска во однос на барањето на Средношколски сојуз за измени на концептот за полагање на завршниот испит односно наместо четири да полагаат два предмета.
– Матурата е законска обврска за оние кои сакаат да продолжат во високото образование во државата или надвор од неа. Средното образование е задолжително, а државната матура е изборна. За неа се имаат пријавено повеќе од 14 илјади ученици во соодветниот рок – и проектна задача и изборни предмети, рече Царовска и, според неа, тоа укажува дека тие веројатно и ќе полагаат, а тоа е и бројот на ученици кои го завршуваат средното образование.
Нагласи дека МОН има законска обврска да им го овозможи правото на средношколците кои сакаат да полагаат државна матура, а другите имаат уште два избора да го заокружат своето средно образование.
Министерката рече дека слушнала оти има сајбер-насилство меѓу врсници и притисоци за влегување во боојкот и ги повика училиштата, а и родителите да поразговараат со своите деца ако трпат таков вид насилство.
Во однос на нацрт-концепцијата, за која и денеска имаше средба со претставници на граѓански организации, Царовска соопшти дека досега имале 30-ина забелешки по електронска пошта, во јавноста има, рече, и отворени писма, и дека конструктивните коментари ќе бидат земени предвид,
Дебатата би требало да трае до средината на февруари, кога ќе се заокружат сите коментари за, како што рече министрката, да се влезе во интензивна подготовка на наставни програми и наставни материјали.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година