Целосна реконструкција на улиците во Чалошево и Мамутчево, Велешко

 

Градоначалникот на Општина Велес, Славчо Чадиев во присуство на претставници од месните заедници од овие две населени места во денеска потпиша договор со фирмата „Изгрев Инженеринг“ за реализација на проект за реконструкција на улиците во Чалошево и Мамутчево.

 

Вредноста на Проектот изнесува скоро 12 милиони денари, а средствата се обезбедени преку Светска банка. Со проектот се опфатени речиси сите улици во ови две населени места. Во Мамутчево ќе се асфалтираат седум улици  во вкупна должина од 1.007 метри. Во Чалошево, пак, проектот опфаќа асфалтирање на улици во должина од 1.062 метри.

 

 

- На овој начин Општина Велес трајно ќе ги реши инфраструктурните проблеми со кои се соочуват жителите во овие две населени места. Меѓутоа, освен во овие предвидени се проекти и во останатите рурални средини, најави Чадиев.