Чавушоглу: ЕУ е нецелосна без Турција
Турскиот шеф на дипломатијата, Мевлут Чавушоглу, денеска ја повика ЕУ да го обнови процесот на преговори за приклучување на Турција, истакнувајќи дека Европската Унија ќе остане „нецелосна“ додека Анкара не се приклучи кон неа, пренесоа француските медиуми.
Во говорот на годишната конференција на турски амбасадори, во Анкара, Чавушоглу ја повика ЕУ да отвори нови поглавја во преговорите со Турција, „и да ги укине вештачките пречки за приклучувањето на земјата“.
Тој уште истакна дека Турција очекува итно воведување на визна либерализација, која на турските граѓани ќе им даде можност слободно да патуваат низ Шенген просторот.
-Ние игравме важна улога во минатото на Европа и тоа ќе го правиме и во иднина. Една Европа без Турција е нецелосна, посочи тој.
Односите меѓу ЕУ и Анкара се затегнати по обидот за преврат во Турција во јули минатата година и по репресиите врз турските граѓани што потоа следеа.
ЕУ смета дека Турција се уште не ги исполнила сите критериуми за укинување на визите за нејзините граѓани при патувањата во Шенгенскиот простор, додека спогодбата за миграцијата меѓу ЕУ и Турција, што беше склучена во март минатата година, предвидуваше забрзување на процесот на визна либерализација, забележуваат француските медиуми.
Ново на Сител
-
Брнабиќ за Вучиќ: 300 години нема да има таков како него, се надевам нема да се повлече во 2027 година
-
Таравари за Димитриевски: Го потсетувам дека идната година се локалните избори, најверојатно повторно ќе му требаат албанските гласови
-
Таравари: Зголемен е бројот на регистрирани случаи на Ковид, да се почитуваат препораките
-
ЕСПН: Лука Дончиќ главниот кандидат за МВП сезоната 2024/25
-
„Хуавеј“ работи на новиот паметен телефон со троен преклоп
-
Ѓуриќ: Курти сака да ја преземе контролата над мостот на Ибар за да направи дополнителен притисок врз Србите
-
Украина го погоди рускиот С-300 систем во Ростовскиот регион
-
Девет нови лекови на позитивната листа