Чавушоглу: Секогаш ја поддржуваме Македонија, очекуваме конкретни чекори за ФЕТО
Во МНР во тек е средбата на министерот за надворешни работи Никола Димитров со шефот на турската дипломатија Мевлут Чавушоглу, кој престојува во дводневна официјална посета на Република Северна Македонија.
Според официјалната најава, на средбата ќе се разговара за севкупните билатерални односи помеѓу двете традиционално пријателски земји и можностите за зајакнување на соработката во сите области од заемен интерес.
Чавушоглу неколку часа пред пристигнувањето во Скопје на неговиот твитер профил напиша дека од секогаш ја поддржувале Македонија и ќе продолжат да го прават тоа, но очекуваат конкретни чекори во однос на ФЕТО и оти тоа е важно за Анкара, но исто така и за иднината на Скопје.
Димитров и Чавушоглу претпладнево во МНР официјално ќе ја пуштат во употреба техничката опрема за дигитализација на дипломатскиот архив на Министерството. Проектот е поддржан од Министерството за надворешни работи на Република Турција, а финансиран од турската агенција за соработка и развој – ТИКА. Двајцата министри ќе имаат и заедничка прес-конференција.
Министерот Чавушоглу треба да се сретне и со претседателот на Владата Зоран Заев и со вицепремиерот задолжен за европски прашања Бујар Османи.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата