Червар: Одигравме лудо, немам објаснување

Ракометарите на Металург во рамките на 4.коло од групата Ц од ЛШ ја постигнаа втората победа (двете на домашен терен). Совладана беше шпанска Ла Риоха со 24:23. Во многу чудни околности се одигра последната минута, а на прес конференцијата тренерот Лино Червар изјави:

- Одигравме лудо, немам објаснување што се случи.

Во напад беше Ла Риоха, а Арсиќ одбрани, потоа нападот на Металург беше вистинска брканица (играчите немаа контрола уште колку време има) и не реализираа шут, а потоа и погрешија по одбиената топка и во последните 7-8 секунди Ла Риоха имаше контра, а Арсиќ пак одбрани.

Инаку во поголемиот дел од дуелот Металург водеше (најголема разлика имаше од 4 гола), а резултатот беше девет пати изедначен.

За дуелот Червар напомена:

- Среќата не награди, Благодарност до Арсиќ. Неговите одбрани ги решија натпреварот. Големата упорност беше наградена. Имаме уште многу технички грешки, но добро е што победивме и се надевам дека техничките грешки ќе ги намалиме.