Чесниот фаќач на крстот во Делчево го донираше освоениот телевизор
Дека хуманоста е одраз на големите луѓе денеска се докажа уште еднаш со хуманиот гест на среќниот фаќач на крстот во Делчево, Васе Панчовски. Панчовски заедно со неговата група одлучија денешната освоена награда, телевизор која ја доделува компанијата Зегин, да го подарат на семејство од Делчево.
– Како учесник во годинешните Водици, заедно мојата група одлучивме наградата телевизор која како среќен фаќач на крстот ја доделува Зегин да ја подариме на некој на кој навистина му треба. Во консултација со мои другари решивме да го доделиме на ова семејство. Во чест на празникот доделивме и икона Богојавление. Нека им е честит празникот на сите граѓани, истакна Панчовски.
Заблагодарувајќи се за донацијата, од семејството во чиј дом беше дониран телевизорот на сите граѓани им посакаа добро здравје, среќа и успех во годината.
Панчовски вторпат го фаќа чесниот Крст во Делчево. Минатата година тој исто така ја имаше среќа да го извади чесниот крст од водите на река Брегалница, за што исто така доби награда телевизор и 10 илјади денари од Општината.
Ново на Сител
-
Пензионерите утре ќе добијат повисоки пензии за 2,500 денари
-
Лицата со попреченост и личните асистенти во сабота на протест - Државата ги остави без пари
-
Нивото на Охридското Езеро постојано осцилира
-
За еден ден домаќинките од Општина Босилово подготвија 220 килограми ајвар
-
Преглед на вести од светот
-
Пo 50 години конзервација на мозаиците на локалитетот Стакина чешма во Валандово
-
Преглед на вести од светот
-
Тема на денот со екс амбасадорот во Бугарија, Марјан Ѓорчев