Честитка од Божиновска до МПЦ по повод „Свети Кирил и Методиј“
Директорката на Комисијата за односи со верските заедници и религозни групи Валентина Божиновска денеска упати честитка до МПЦ и архиепископот Охридски - Македонски г.г. Стефан по повод Денот на сесловенските просветители и учители Свети Кирил и Методиј.
- Ова е ден кога се потсетуваме на големината на Браќата Свети Кирил и Методиј, се потсетуваме дека сме нивни горди наследници и дека ние сме тие кои го продолжуваме нивното завештание да вложуваме во сопственото образавание, но и да ја продолжиме нивната света мисија-ширењето на писменоста. Заложбите на светите браќа Кирил и Методиј се воедно и потврда за македонскиот јазик, за македонската литература и култура, црква и традиција, револуција и историја, за македонското име и идентитет. Нивното дело за промоција на правото на богослужба на националните јазици на народите, стана светол пример за многу народи, исцртувајќи ја културната и верската карта на целиот свет, наведува Божиновска.
На прашањето што треба да направиме за јазикот во време на слобода и демократија, во постојна држава, во време на големи предизвици, одговорот, според Божиновска, треба да биде едноставен. -Само да го чуваме, негуваме и почитуваме, бидејќи со тоа ја вреднуваме нашата култура и традиција, нашата историја и меморија, го воздигнуваме нашето име и идентитет, одавајќи им на тој начин достојна почит за животот и делото на светите браќа Кирил и Методиј, подвлекува директорката на Комисијата за односи со верските заедници и религозни групи Валентина Божиновска.
Ново на Сител
-
По барањето од ОЈО Скопје, одложена закажаната расправа за убиството на Вања и Панче
-
Мицкоски: Скопје стои како симбол на издржливост и солидарност
-
Николоски: Градежните работи на експресниот пат Градско - Прилеп се засилуваат од август, до крај на годината ќе се вози по нов пат од Градско до Дреново
-
Собраниска делегација положи цвеќе пред споменикот на жртвите од земјотресот во Скопје
-
Шефот на албанската дипломатија, Хасани кандидат за генерален секретар на ОБСЕ
-
Се возеле со мотори и АТВ во заштитениот дел на Шар Планина, покрената постапка
-
Во следните денови постепено зголемување на температурата
-
Затворен сообраќајот кај Страцин