Четири лавови во зоолошката градина на Барселона позитивни на коронавирус

Четири лавови во зоолошката градина во Барселона се позитивни на коронавирус, соопштија денеска локалните ветеринарски власти.

Три женки по име Зала, Нима и Рун Рун и мажјакот Киумбе се тестирани откако чуварите забележале дека покажуваат симтоми на настинка, пренесува британската новинска агенција „Ројтерс“.

Двајца вработени исто така биле позитивни на коронавирус, откако заразата за првпат беше откриена во зоолошката градина минатиот месец. Властите сега истражуваат како лавовите се заразиле.

Ветеринарската служба на Барселона ги контактирала своите колеги во зоолошката градина и во Бронкс во Њујорк каде што четири тигри беа позитивни на коронавирусот во април ова година.

Ова се двете единствени зоолошки градини на светот каде што лавови и тигри се заразиле со коронавирусот, а веќе сите се опоравени.