Ципрас е убеден дека Грците ќе му дадат убедливо мнозинство

Лидерот на Сириза Алексис Ципрас, изрази уверување дека Грците ќе ги демантираат анкетите кои покажуваат дека двете главни партии се блиску со проценти, и ќе му дадат убедливо мнозинство.

- Јас сум апсолутно сигурен дека грчкиот народ уште еднаш ќе ги побие пораките на анкетите кои предвидуваат дерби, рече Ципрас за време на предизборниот митинг во градот Агиос Николаос, на Крит.

- Ние крваревме со цел да го запреме крварењето на нашиот народ, бидејќи го дадовме тоа ветување и го одржавме до самиот крај, рече тој, и повтори дека дилемата е дали ќе владее стариот естаблишмент или влада која се бори.

- Дали преферирате влада што ќе го открие списокот Лагард, или оние кои ќе го прикријат, истакна лидерот на Сириза.

Ципрас рече дека не бара втора шанса, туку шанса да го продолжи првиот напор.

- Немавме можност да одиме напред и да завршиме со исполнување на нашата работа, подвлече тој.