Цивилите во Харков на удар на руските дронови
Руски беспилотни летала во раните утрински часови нападнаа цивилни локации и предизвикаа пожари во близина на Харков, вториот по големина град во Украина, соопштија официјални лица. Засега нема извештаи за жртви, јавија британските медиуми.
Регионалниот гувернер на Харков, Олех Синехубов, на каналот Телеграм напиша дека цел на беспилотните летала била цивилната инфраструктура, а нападот се случил по полноќ на североистокот на Украина.
Градоначалникот на Харков, Ихор Тереков, изјави дека пожарот е ставен под контрола, без да даде повеќе детали.
Предупредувања за воздушен напад во Харков и другите централни региони на Украина беа укинати 90 минути по првичните извештаи. Предупредувањата останале во сила на западниот дел на земјата, додека украинската авијација јави дека руските беспилотни летала биле над три региони.
Гувернерот на Лвовската област, Максим Козицки, област на границата со Полска, објави дека се активни единиците за противвоздушна одбрана.
Ново на Сител
-
Состојба на патиштата
-
Сончево и топло со слаб северен ветер
-
Полициските хеликоптери исфрлија над 120 тони вода врз пожарите кај селото Тажево и „Јасен“
-
Скопјанец ги претепал сопругата и малолетниот син, ја искршил и влезната врата од зградата
-
Претрес во скопско, пронајдено оружје и муниција | ФОТО
-
ЕУ ѝ префрла на Украина 1,5 милијарда евра приход од замрзнати руски средства
-
Тетовчани се скарале поради паркинг место, по што едниот извадил пиштол и му се заканил на другиот
-
Драма во Собрание: Неколку пратеници добиле заканувачки пораки