Црна Гора: Од денеска полициски час во Никшиќ, Беране и Андријевица
Со оглед на исклучително распространетиот локален пренос на коронавирус, големиот број случаи во болниците и огромниот притисок врз здравствениот систем, Институтот за јавно здравје (ИЈЗ) на Црна Гора предложи воведување на дополнителни мерки за да се спречи ширењето на новиот коронавирус. Мерките се во сила од денеска.
„Усвоените мерки ќе обезбедат да го сузбиеме интензивното ширење на епидемијата во првата половина на октомври и да ги зачуваме здравјето и животот на населението“, наведува од ИЈЗ и апелираат граѓаните да ги почитуваат доследно мерките.
Од денеска до 12 октомври, поради зголемувањето на случаите на коронавирус во Никшиќ, Беране и Андријевица, ќе биде забрането напуштање на домовите од 22 до 5 часот наутро, а работата на угостителските објекти и домашните посети ќе бидат забранети.
Од денеска во Рожаје е забранета работата на угостителските објекти и домашните посети.
Во Котор, Будва, Подгорица и Плевља, од 28 септември до 12 октомври, угостителските објекти ќе имаат право да работат само до 22 часот.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје