ЦУК: Пет активни пожари, три под контрола
Во текот на вчерашниот ден биле регистрирани 29 пожари на отворен простор, од кои во моментов пет се активни, три се под контрола и 21 се изгаснати, информираше Центарот за управување со кризи (ЦУК).
Од Центарот за управување со кризи (ЦУК) информираат дека активни се пожарите во Општина Македонски Брод меѓу селата Тажево и Брезница, кракот што води кон Националниот парк Јасен, пожарите во општините Демир Хисар и Охрид на Илинска Планина и село Базерник. Третиот активен пожар е во Општина Гевгелија од селоФурка кон Каравалија. Сѐ уште гори и во Општина Студеничани помеѓу селата Драчевица и Црвена Вода, кај местот викано Темна Бука и последниот активен пожар е во Општина Пробиштип помеѓу селата Зелениград и Јамиште.
Од ЦУК соопштија дека под контрола се ставени три пожари во Општина Охрид помеѓу селата Косел, Расино, Опеница и Вапила, Општина Богданци кај местот викано Погана кон Ветерен Парк Богданци и во Општина Пласница кај селото Латово.
Во последното деноноќие изгаснати се 16 пожари во општините Радовиш, Кочани, Босилово, Свети Николе, Македонска Каменица, Студеничани, Гази Баба, Битола, Прилеп, Липково, Кичево, Гостивар, Чешиново-Облешево и Куманово.
Ново на Сител
-
Терористички напад во Тел Авив, шестмина мртви | ВИДЕО
-
Иран лансираше ракети кон Израел | ВИДЕО
-
Контрола во правно лице во Скопје, затекнати седум турски државјани кои незаконски работеле во државата
-
Почина жена на Клиника во Скопје
-
Скопјанец со автомобил намерно удрил во тинејџер при што го повредил
-
Пронајдена дрога кај осуденик во штипскиот затвор
-
Роднини од Врапчиште туркале судија и не му дозволиле да изврши увид
-
Ѝ се заканил на судијка дека ќе ја убие, ОЈО поведе постапка