Да не беше војната, Партизан ќе беше како Барселона

Легендарниот тренер Ивица Осим за медиумите изјави дека војната во екс- Југославија го спречила Партизан да направи тим кој би бил доминантен како што сега е Барселона во Шпанија и светскиот фудбал.

Во црно-белиот тим тогаш играа Мијатовиќ, Заховиќ, Јокановиќ....тим кој можеше во тоа време да направи многу.

„ Тоа беше внимателно биран тим со талентирани играчи, приврзани кон клубот, го почитуваа неговото име и така и се однесуваа. Веројатно во еден момент ќе блеснеа онака како што од нив се очекуваше. Среќен сум што ја водев таа генерација“- изјави Осим за ТВ Партизан.

Некогашниот селектор на Југославија со црно-белите работеше 1991-1992 година кога го освои купот токму пред распаѓањето на поранешната држава.

„ Не сакам моите во Сараево да мислат дека го омаловажувам Железничар но дури кога дојдов во Белград сватив што е голем клуб каде што имате се на располагање. Партизан има извонредни навивачи кои не простуваат грешки, сакаат добар фудбал и талентирани играчи. Тоа е притисок кој ми причинуваше задоволство“- смета Осим кој е убеден дека доколу продолжеше соработката ќе беше тоа доминантен тим како Барселона денеска.