Дефект на трафостаница остави без струја и вода делови од Скопје
- Екипите на ЕВН Македонија почнаа со приклучување на дистрибутивната мрежа на дел од корисниците во Скопје кои останаа без струја денеска попладне поради испадот на извод од 110-киловолтната трафостаница „Васил Главинов“. Паралелно се работи на отстранување на дефектот, кој во населбите Бутел, Радишани, Шуто Оризари и Визбегово воедно предизвика прекин во водоснабдувањето затоа што не може да функционира машинскиот дел од пумпените станици.
Од ЕВН Македонија за МИА изјавија дека изводот кој бил опожарен зафатил и дел од соседната електроенерегетска опрема. Од безбедносни причини, појаснуваат од ЕВН Македонија, целата трафостаница беше исклучена од напојување со што и корисниците од населбите Топаанско Поле, Бутел, Чаир, Радишани, Васил Главинов – индустриска зона и другите населени места што се напојуваат од таа трафостаница беа без напојување со електрична енергија.
- Откако се изврши комплетен преглед на оштетеноста, откако се виде дека може безбедно да се приклучуваат корисниците дел по дел се приклучуваат на дистрибутивната мрежа, а паралелно ќе се санира и дефектот кој е настанат. Екипите ќе работат цело време се додека корисниците не добијат напојување, изјавија од ЕВН Македонија.
Како што посоочуваат од ЈП „Водовод и канализација“, поради прекинот во снабдувањето со струја не може да функционира машинскиот дел од пумпените станици во тој реон.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување