Дејан Цветановски го фати крстот во соборниот храм „Свети Никола“ во Куманово
Триесет и двегодишниот кумановец Дејан Цветановски го извади светиот крст од осветените води во мини базенот на соборниот храм „Свети Никола“ во Куманово.
– Седми пат како скокам по крстот. Оваа година успеав, среќен сум и возбуден, изјави Цветановски.
Тој ги повика и другите кои досега не скокале по крстот да се обидат, нагласувајќи дека ја почитува оваа традиција и верува оти светиот крст ќе му донесе здравје и просперитет.
Инаку, Цветановски е вработен во приватна компанија како возач на цистерна. Од свештенството на соборниот храм тој доби икона и свет крст и други пригодни подароци од локалната бизнис заедница.
Претходно во соборниот храм „Свети Никола“ се одржа и литургија по повод празникот Богојавление Водици, на која присуствуваа поголем број верници, од кои дел пресекоа славски колач, зедоа осветена вода и се помолија за здравје, мир и благосостојба.
И во останатите цркви во Куманово денеска се фрлаше светиот крст, а ќе се фрла и во градскиот базен.
Празникот е поврзан со крштавањето на Исус Христос во водите на реката Јордан од страна на свети Јован, кој од тогаш се нарекува Крстител. Празникот се нарекува уште и Водици поради големиот водосвет што го извршува црквата на овој ден.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата