Дејвис куп - полуфинале: По првиот ден 1-1

Со мечевите во поединечна конкуренција, стартуваа полуфиналните дуели од Дејвис купот (Белгија – Австралија и Франција – Србија). 

 

Во Брисел водство на Белгија и донесе Давид Гофин, кој го совлада Џон Милман со 3-1 во сетови, иако противникот водеше со 1-0. Во вториот меч по голема борба и меч во пет сета Ник Киргиос го победи Стиви Дарцис со 3-2 во сетови и го изедначи резултатот на 1:1.

 

Во Лил, на стадионот „Пјер Муро“ Душан Лајовиќ и донесе водство на Србија со триумфот од 3-1 по сетови против Лукас Пуил. Французите израмнија благодарение на победата на искусниот Жо-Вилфред Цонга над 22-годишниот Ласло Џере со 3-0 по сетови.

 

Денеска на програмата се мечевите во двојки, а во недела по сингл дуелите ќе бидат познати годинашните финалисти во ова натпреварување.