Делегацијата од Министерството за одбрана и Генералштабот на АРМ положија цвеќе пред спомен-обележјата на загинатите бранители кај месноста Љуботенски бачила
Во спомен на загинатите бранители во 2001 година кај месноста Љуботенски бачила, делегација од Министерството за одбрана и Генералштабот на Армијата предводена од началникот, генерал потполковник, Васко Ѓурчиновски и државниот секретар, Елизабета Чуповска Ристова, денеска положија венци со свежо цвеќе пред спомен-обележјата на загинатите бранители во село Волково, село Љубанци и пред спомен-плоча во касарната „Илинден“.
Како што информираат од Министерството за одбрана, претходно, делегација од Генералштабот на Армијата положила цвеќе пред спомен-обележје на паднатиот бранител Томислав Настевски во Општина Ѓорче Петров.
-Во чест на загинатите бранители на спомен обележјата свежо свеќе положија и членови на нивните семејства и делегации од кабинетот на претседателката и врховен командант на Армијата, од Владата, од Општините Ѓорче Петров и Бутел, граѓански здруженија и организации и претставници на политички партии, соопштуваат од министерството.
На денешен ден, пред 23 години, на патот кај месноста Љуботенски бачила животот го загубија Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димоски и Раде Јанковски, припадници на резервниот состав на Армијата.
Ново на Сител
-
Пукање кај Смилковско езеро
-
Во период од 20 минути вчера во Скопје пријавени два инциденти со физички напад од страна на група лица
-
Приведен маж поради закана за поставување експлозив пред куќа во тетовско Мала Речица
-
Пронајдена неексплодирана граната од Втора светска војна на нива во скопско Бојане
-
Пронајден починат затворник во КПУ „Идризово“
-
Кривична пријава за жител на дебарското село Отишани, поради поседување марихуана
-
Полицијата повторно го уапси Акиф Равманоски кој беше помилуван од претседателката Сиљановска Давкова
-
Фон дер Лајен: Завршивте добра работа, имаме одлични реформи, ќе почнеме со 52 милиони евра од Планот за раст