Денот на македонската самостојност одбележан во Брисел
Со присуство на повеќе од 200 гости, меѓу кои и лица од политичкиот врв на Европската унија, синоќа во замокот „Света Ана“ во Брисел беше одржана прослава на 25-годишнината од самостојноста на Република Македонија.
Како што јавува дописникот на МИА од Брисел, во организација на македонската амбасада при Кралството Белгија и на македонските мисии при Европската унија и НАТО, со звуците на традиционалната македонска песна и со македонски специјалитети и вина, европската престолнина уживаше во прославата на четврт век македонска самостојност.
Амбасадорите Лазар Еленовски, Андреј Лепавцов и Зоран Дабиќ, кои беа домаќини на оваа свеченост, во својот говор до присутните ја истакнаа важноста од тесните врски на Македонија со западниот свет и пред се евро-атлантската интеграција како врвен државен приоритет. Тие порачаа дека со завршување на политичката криза во Македонија, која е на повидок, дека сега останува на ЕУ и НАТО да го завршат својот дел од обврската со интеграција на македонската држава.
Инаку, на синоќешниот прием по повод Денот на независноста на Република Македонија, покрај европратеници, претставници на Европската комисија, Европскиот совет и амбасадори на пријателски држави, присуствуваше и новиот амбасадор на Европската унија во Скопје, Самуел Жбогар.
Ново на Сител
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти
-
Курти: Од четврток е можно заменување на српските со косовски регистерски таблички
-
Инфлацијата во април зголемена за 0,7 проценти во однос на март
-
Путин положи заклетва за новиот, петти по ред, претседателски мандат