Детектор: Рудар е најризична професија

Рударот има најризична професија, сметаат граѓаните во најновата анкета која за Детектор ја спроведе Институтот за политички истражувања Скопје. 

Според неа, 33% од анкетираните сметаат дека рударите имаат најризична професија. 20,6% најголем ризик гледаат во градежништвото, а 18,6% во хемиската индустрија, додека 15,4% се определиле за метало-преработувачката индустрија. 

44,8% од анкетираните велат дека познаваат некој кој се разболел или повредил на работното место додека 47,6% велат дека не познаваат таков работник. 

Безмалку половина од анкетираните или 49% сметаат дека лицата кои се повредиле на работното место не добиле соодветна оштета, додека 22,4% се убедени во спротивното. 

Истражувањето на јавното мислење по нарачка на Детектор телефонски го спроведе Институтот за политички истражувања Скопје врз репрезентативен примерок од 1105 испитаници во периодот од 8 до 11 јануари годинава со маргина на грешка од плус-минус 3%.