Девојка тешко повредена во сообраќајка кај кумановски Умин Дол

Дваесет и деветгодишната Е.Д. од Куманово се здобила со тешки телесни повреди, откако во неа удрил автомобил „БМВ“ со скопски регистарски таблички, информираа од МВР.

Сообраќајната несреќа се случила денеска претпладне во 10.40 часот на регионалниот пат Куманово-Скопје, во село Умин Дол, кога во пешакот удрило „БМВ“ кое го управувал 31-годишниот А.Ш.

Повредената е префрлена првин со возило на итна помош, а по пружената помош на одделението за хирургија од кумановската болница, поради тешките телесни повреди е префрлена во Ургентниот центар во Скопје.

Сообраќајот на регионалниот пат се пренасочува, соопштија од МВР.