ДИК: На референдумот до 15 часот излегле 334.075 гласачи
Излезеноста на денешниот референдум до 15 часот изнесува 22,56 отсто или на гласање излегле вкупно 334.075 гласачи запишани во Избирачкиот список, соопшти на прес-конференција претседателот на ДИК, Оливер Деркоски.
- Денот се одвива во истата атмосфера како и досега. Во оваа прилика сакам да изразам благодарност до поголемиот број на граѓани за демократската атмосфера која владее во текот на целиот референдумски ден. Исто така, сакам да ги искритикувам сите оние кои се обидоа со неколку инциденти да ја нарушат таквата слика. Минорни се како бројка, рече Деркоски.
Овие инциденти, како што посочи, со брза интервенција од страна на сите органи во овој процес се надминати.
ДИК во писмена форма попладнево повторно се обратила до сите избирачки органи, ОИК и избирачките одбори со насока како да продолжат со процесот до крајот на денот се со цел, како што рече Деркоски, да се намалат можностите за повреда на избирачкото право или процедурата. Причина за ова, според него, е единствено превенирање на несакани настани, но, како што вели, тоа е нашата работа.
Членовите на ДИК во текот на денот разгледале 26 приговори од граѓани кои не го оствариле правото на глас бидејќи ги немало во Избирачкиот список. За 99 отсто од овие приговори Комисијата донела решение за нивно одбивање. Се работи за граѓани со истечена важност на личните документи или, пак, за малолетни лица кои се стекнале со полнолетство во периодот од распишување на референдумот до завршување на јавниот увид.
Меѓу општините со најголема излезеност до 15 часот на референдумот се Сарај – 36,57 отсто, скопски Карпош 32,05, Крушево 28,87 отсто, Гевгелија 27,19 отсто, Дојран 27,66, Арачиново 26,77, Аеродром 24,99 отсто, Берово 24 отсто, Богданци 24,09, Бутел 24,45, Долнени 24,43, Кочани 23,82, Македонски Брод 23,39, Охрид 25,30, Прилеп 25,25, Струмица 24,11, Тетово 26,18, Чаир 27,45 ...
Општини со помала излезност се Ново Село 9,97 отсто, Илинден 10,49 отсто, Босилово 11,44 отсто, Зрновци 11,45 отсто.
ДИК и натаму е во постојано заседание.
Следната прес-конференцијата на ДИК на која што ќе биде соопштена излезноста до 17 часот се очекува околу 17 часот и 30 минути.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата