Димитриевски: Погрешно е Вреди да ја имитира ДУИ
Демократската унија за интеграции е веќе видена работа и минато, и затоа мислам дека е погрешно коалицијата „Вреди“ да ја имитира ДУИ, рече претседателот на движењето ЗНАМ, Максим Димитриевски. Тој вели дека граѓаните сакаат да видат политики за економски раст и развој на државата и да живеат во средена држава во која ќе има намалена на корупција, и оти веќе не се оптоваруваат со тоа кој какво знаме ќе вее или, пак, кој ќе биде поголем заложник за исполнување на одредени национални платформи и стратегии.
„Мислам дека нашиот партнер во власта, иако ЗНАМ е партнер со ВМРО-ДПМНЕ во оваа власт и во ниту еден момент ние немаме како политичка партија разговарано за каква било коалиција или заемна поддршка на централно ниво, сепак, тие се партнер на нашиот партнер, го почитуваме тоа, но, ќе мора да направат корекција на самите себеси“, рече Димитриевски.
Кога станува збор за случајот со претседателот на Собранието Африм Гаши, кој бил на свадба на Косово со службени возила, Димитриевски вели дека за тоа дознал од социјалните медиуми и дека ќе чека официјален одговор од надлежното Министерство, по што ќе даде свој коментар.
„Откако ќе го слушнам, ќе го дадам и својот став. Доколку возилото е користено за приватни потреби и семејни веселби, тоа е недозволиво. Во спротивно, ако вие вршите една таква висока функција во државата и ви следува обезбедување, извршено сѐ согласно протоколот, тогаш нема никакви пречки да се прави тоа. Но, сепак, оставам на официјалните надлежни државни институции да се произнесат по случајот, а потоа и јас ќе го дадам своето видување“, рече Димитриевски.
Ново на Сител
-
Несими останува тетовски муфтија
-
Врховната Рада на Украина усвои закон за воена служба по договор за странци
-
ЛШ: Интер без Димарко и Арнаутовиќ против Манчестер Сити
-
Хезболах го обвинува Израел за експлозиите во Либан, расте бројот на загинати
-
Функционерските таблички во различна боја
-
Осум загинати, 2.750 повредени по експлозиите на пејџери низ Либан
-
Османи: Барањата на Вучиќ не треба да се сфатат сериозно, тој не сака Србите да се вратат во косовските институции
-
Петковиќ: Бислими одби трилатерална средба во Брисел