Димитров: Идниот понеделник состанок на Националниот инвестициски комитет
Вицепремиерот за европски прашања, Никола Димитров денеска, на состанокот на Управниот комитет на Инвестициската рамка за Западен Балкан, соопшти дека идниот понеделник ќе се одржи состанок на Националниот инвестициски комитет. Комитетот, како што рече, ќе направи ревизија на единствената листа на проекти и ќе утврди кои проекти соодветствуваат со Економскиот и инвестицискиот план.
Димитров ја потенцираше важноста на Инвестициската рамка за Западен Балкан, потсетувајќи дека во Македонија досега се финансирани 23 проекти во вредност од околу 2,1 милијарда евра во грантови и заеми. Тоа, според него, е значителна поддршка на капитални инвестиции.
-Идниот понеделник ќе се одржи состанок на Националниот инвестициски комитет на кој прв пат ќе претседава премиерот и ќе се направи ревизија на единствената листа на проекти, а паралелно ќе се утврди и кои проекти соодветствуваат со Економскиот и инвестицискиот план, истакна вицепремиерот, претставувајќи ги плановите на Владата за спроведување на Економскиот инвестициски план.
Економскиот инвестициски план на состанокот го презентираше еврокомесарот за проширување, Оливер Вархеји.
Ново на Сител
-
Приведени двајца криумчари, пронајдени мигранти од Кина
-
Приведен грчки државјанин поради давање поткуп
-
Имигрант од Лаос кој се лекува од рак доби џекпот од 1,3 милијарди долари
-
Лејкерси елиминиран од Денвер во првото коло на НБА плејофот
-
Студентите кои протестираа поради војната меѓу Израел и Хамас се судрија со полицијата во Тексас
-
Златен џебен часовник од „Титаник“ продаден за рекордни 1,2 милиони фунти
-
Пронајдено безживотно тело на 26 годишна девојка во куќа во Штип
-
Лазаров го објави списокот на ракометари за собирот пред средбите со Фарски Острови