-->
-->
Димитров втор ден на Минхенската безбедносна конференција
-->
![](/sites/default/files/styles/large/public/article/teaser-images/2018/february/134116711-165326.jpg?itok=tYrNmTdZ)
Во рамките на денешните активности на Конференцијата, Димитров учествуваше во дискусиите за континенталната безбедност, глобалните предизвици и иднината на трансатлантските односи. На маргините на настанот оствари повеќе билатерални средби.
На средбата со министерот за надворешни работи на Република Чешка, Мартин Стропницки беа разменети мислења за важноста на европската и евроатлантската интеграција на Република Македонија.
Во разговорот со норвешката колешка Ине Ериксен Сореиде беше изразено задоволство и благодарност за дуплирањето на реформската помош за Македонија и за поддршката на нашите стратешки приоритети. Министерот Димитров посочи дека членството во НАТО е важно за Република Македонија, но и за Балканот и Европа.
На средбата со министерот за надворешни работи на Јапонија, Таро Коно, прва меѓу двајцата министри, заеднички беше поздравено интензивирањето на билатералните односи, особено по отворањето на резидентните амбасади во Токио и Скопје. Беше поздравена јапонската иницијатива за соработка со Западен Балкан и беше упатена покана до амбасадорот надлежен за земјите од Западен Балкан да ја посети Република Македонија. Истовремено беа разгледани модалитетите за унапредување на техничката соработка во функција на стимулирање поинтензивна проектна активност. Министрите разменија мислења за регионалните и глобалните безбедносни предизвици и потребата од адекватен колективен одговор во рамките на ОН.
Со министерката за надворешни работи, правда и култура на Лихтенштајн, Аурелија Фрик, се разговараше за модалитетите за унапредување на меѓусебните односи, со фокус врз мултилатералната соработка.
Министерот Димитров се сретна и со пратеникот на грчката опозициска партија Нова демократија, Јоргос Кумуцакос кој во партијата е одговорен за надворешна политика. На средбата беа разменети мислења за актуелните динамики и за процесот за надминување на разликата околу името.
На покана од премиерот на Баварија, министерот Димитров присуствуваше и на Државната вечера, приредена по повод Минхенската конференција
-->
-->
-->
Ново на Сител
-
Мицкоски го почна премиерскиот мандат
-
Герапетритис: Уставното име е за севкупна употреба
-
Се санираат штетите од невремето во Тетово
-
Скопје ги сумира штетите од невремето
-
Преглед на вестите од светот
-
Тема на денот со Владимир Божиновски
-
Комуналните претпријатија на обука за имплементација на Скада системот
-
Анализа: Дали Руската православна црква е инструмент за спроведување на политиките на Путин?