До УЈП Делчево доставени 4.800 даночни пријави

До Подрачната канцеларија на Управата за јавни приходи во Делчево, заклучно со вчерашниот ден, се доставени 4.800 даночни пријави од граѓани.

Според информацијата на Стојче Гоцевски, в.д. раководител на даночниот шалтер во Делчево, во текот на денешниот ден се очекуваат уште околу 500 даночни пријави од граѓани.

- Според динамиката на пријави, очекуваме овој ден да примиме околу 500 даночни пријави. Водејќи се од логиката на граѓаните кои го чекаат последниот ден за да ја извршат својата обврска, ние очекуваме дека заклучно со денешниот ден, сите граѓани кои оствариле допонителни проходи во минатата година, ќе ги достават пријавите. На шалтерите на УЈП во Делчево, нема гужви, се се одвива во најдобар ред. Оваа година во споредба со минатата година очекуваме помал број даночни пријави, околу 5.300, рече Гоцевски.

Според Гоцевски, околу 70 до 80 отсто од пријавените даночни пријави се веќе обработени, а до 15 мај ќе има и готови решенија кои ќе им бидат доставени на граѓаните.