Додик: Не сакав да тргувам со интересите на Република Српска

Претседаталот на Република Српска, Милорад Додик денеска оцени дека одлуката на американската Администрација во заминување за воведување санкции против него е депласирана, нагласувајќи дека таа е последица на фактот што тој не сакал да тргува со интересите на српскиот ентитет во БиХ.  

Говорејќи на прес-конференција во Бања Лука, Додик нагласи дека одлуката за санкции против него ја вовела Канцеларијата за контрола на имотите на странците,

- Јас немам никаков имот во Америка. Имам во Србија, но Србија не ја доживувам како странство, рече Додик. 

Тој смета дека одлуката за воведување санкции кон него ја доживував како притисок поради неговата неподготвеност да тргува со интерсите на Република Српска, како што очекувале некои странски амбасадори.

- Не сум подготвен интересите на Република Српска да ги подредам на мојот личен комодитет, изјави Додик, порачувајќи им на граѓаните на српскиот ентитет во БиХ дека ваквата одлука на Вашингон за нив нема никакво значење и дека нема да промени ништо во нивните животи.