Документарен филм и врачување на наградата „Даница Ручигај“
На поетесата Љерка Тот Наумова денеска ќе и биде врачена наградата „Даница Ручигај“ што ја доделува Друштвото на писателите на Македонија за најдобра стихозбирка од авторка, членка на македонската писателска асоцијација.
Наградата на Тот Наумова и е доделена за стихозбирката „Зародиш на повикување“, објавена во издание на „Бата прес“ од Скопје, со поговори на Михаил Ренџов и Марина Мијаковска.
Селекторот за доделување на наградата „Даница Ручигај“, Мишел Павловски, во образложението на одлуката, меѓу другото, пишува: „Книгата на Љерка Тот Наумова е лирски копнеж кој е засилен од креативноста на авторката. Преплетувањето на интимното со трагичното, сонот со радоста, ја прави стихозбирката „Зародиш на повикување“ книга која поезијата ја доближува кон читателот. Поезијата на Љерка Тот Наумова, е молк и истовремено крик, зародиш на повикувањето молкот да проговори“.
Љерка Тот Наумова е автор на 14 стихозбирки пишувани на македонски и на хрватски јазик. Член е на Друштвото на писателите на Македонија и на Друштвото на хрватските писатели. Нејзиното творештво е застапено во повеќе панорамски и антологиски претставувања на современата македонска поезија.
Доделувањето на наградата е дел од активностите на Клубот на писателките, членки на ДПМ, што го носи името на познатата македонска поетеса Даница Ручигај (1934-1963).
Покрај врачувањето на признанието, во ДПМ ќе биде прикажан и документарен филм за Даница Ручигај, насловен „Соновите не заспиваат“. Филмот е во продукција на Македонската радиотелевизија. Автор е Катица Трајковска-Абјаниќ, а режисер Мишо Рогановиќ.
Во филмот зборуваат десетина писатели, професори, книжевни критичари и современици на Ручигај кои лично ја познавале. Поетесата загинала на 29 години во скопскиот земјотрес на 26 јули 1963. Ручигај е авторка на стихозбирките „Заробеници на ветрот“ и „Сребрени ноќни игри“ која е објавена постхумно.
Ново на Сител
-
Пронајдени над 50 килограми марихуана во Демирхисарско, приведено едно лице
-
Црвениот крст на РСМ ги повикува македонските граѓани да донираат средства за настраданите во БиХ
-
Нормализиран сообраќајот на патот Струмица - Валандово
-
Премиерот Мицкоски ќе присуствува на официјалното отпочнување на надградба и реконструкција на граничниот премин Деве Баир
-
Утре литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан
-
Најмногу дожд наврнат во Пожаране и Лазарополе
-
ЦУК: 2 028 повици изминатото деноноќие, три пожари на отворено
-
Приоритет на Владата е поддршка на македонското земјоделство: Историски највисока цена за грозјето, исплатени заостанати плати и субвенции