ДОМ: Европските Зелени предлагаат итна Резолуција за Македонија
Делегација на зелената партија ДОМ, предводена од претседателката Маја Морачанин, во која се и потпретседателите Мирослав Богдановски и Ана Петровска и претседателот на Комисијата за надворешна политика Емил Крстески, учествува на 30-тиот Совет на Европските зелени во Тампере, Финска.
Во рамките на работата на Советот, од Комитетот на Европските зелени е предложена итна Резолуција за отпочнување на пристапните преговори на ЕУ со С. Македонија и Албанија, за која ќе се расправа и ќе се гласа на утрешната сесија.
Зелените партии на Советот ќе дискутираат и за глобалните климатски промени, за позицијата и улогата на Европските зелени во глобалниот систем, како и за потребата од итна акција за справување со климатските промени.
Делегацијата на ДОМ на собирот во Тампере, ќе учествува и во гласањето за избор на новото раководство на Европската зелена партија.
Ново на Сител
-
Земјотрес од четири степени во поширокото подрачје на Лос Анџелес
-
Русија достави резолуција до ОН за забрана на оружјето во вселената
-
При уривање на автопат во јужна Кина загинаа 36 лица
-
Уште пет дена кампања за претседателските и парламентарните избори
-
Советот за човекови права на ОН ќе расправа за состојбата во Северна Македонија
-
Велики четврток - почнуваат велигденските празнувања
-
Во Србија продолжува парламентарна расправа, се чека гласање за новата влада
-
САД ја обвинуваат Русија за употреба на хемиско оружје во Украина