Дончиќ повторно пишува историјa, рамо до рамо со Чембрлен

Словенечкиот репрезентативец ја продолжи серијата со 30 и повеќе поени на стартот од НБА лигата, а беше најдобар во триумфот на својот тим против Јута Џез.

Лука Дончиќ стана првиот играч од сезоната 1962/63 кој постигнал 30 или повеќе поени во седум воведни натпревари во НБА. Словенечкиот репрезентативец влезе во избраниот клуб, освен него, овој подвиг го постигнаа само уште двајца играчи во историјата.

 

Легендарниот Вилт Чембрлен го држи рекордот, во гореспоменатата сезона 1962/63, тој успеа да постигне 30 или повеќе поени во првите 23 натпревари од сезоната. Истиот играч ја држи втората најдолга серија, тоа го направи осум пати во сезоната 1959/60.