Донесен буџетот на општина Центар
Советот на општина Центар едногласно го усвои буџетот за 2016-та година, кој ќе изнесува 1.501.674.000 денари.
- Буџетот е креиран транспарентно, во соработка со граѓаните. Одржани се форуми за буџетот, во соработка со Центарот на заедницата, на кои жителите на Центар укажуваа на што треба да се трошат парите, информира општина Центар.
Капиталните проекти во општина Центар се изградба на ново основно училиште во Капиштец, за што се предвидени 341.000.000 денари, од кои 100.000.000 се планирани во буџетот, како и доградба на училници во основното училиште „Гоце Делчев“, со вкупна вредност од 21.000.000 од кои 10.000.000 се планирани во буџетот за 2016.
Меѓу покрупните проекти опфатени со буџетот за реализација во 2016 се одржување, изградба и реконструкција на урбана опрема, јавно осветлување, одржување на јавна чистота, на локални патишта и зимско одржување, одржување и изградба на паркови и зеленила...
За детска заштита ќе се издвојат 130.660.000 денари, а предвидена е и реконструкција на улицата „Ленинова“ („Аминта Трети“), на дел од „Партизански одреди“ до улицата „Митрополит Теодосиј Гологанов“.
Ново на Сител
-
Двојно убиство во Стајковци - си ги убил братот и снаата
-
Специјализантите и натаму бараат плата
-
Тема на денот со Илина Мангова, ИРИ
-
Двојно убиство во Стајковци
-
ДИК прифати 7 приговори, прегласување на 22 мај
-
Работните групи за владина коалиција на ВМРО-ДПМНЕ и Вреди стартуваат со работа
-
Нови реакции за говорот на Силјановска од европските земји и Грција
-
Анкета на ИРИ: Македонците сакаат во ЕУ, но не веруваат дека Унијата ќе ги отвори вратите