ДП пионери: Доминација на Даниел и Сара

Во организација на ППК Младост 96 под покровителство на ППФМ во салата на ООУ Добре Јовановски се одржа Државното првенство во пинг понг во пионерска конкуренција за играчи до 15 години. Покрај фактот што радува а тоа е големата масовност на натпреварувачи во оваа категорија исто така неизвесно беше дали фаворитите ќе ги освојат шампионските титули. После раната елиминација на бранителот на титулата од минатата години Даниел Зхоу Главевски, Кенан Асанов беше фаворит за титулата, но кинеската магија на Даниел остана енигма за конкуренцијата и на крајот повторно, за последен пат во оваа конкуренција се радуваше на победничкиот пехар, совладувајќи го Лука Стојчев во финалето. Од следната сезона Даниел ќе се натпреварува во јуниорска конкуренција.

 Во конкуренција на пионерки очекувано финале Сара С. Стојановска и Васе Богоевска. Сара и овој пат ја однесе победата и се закити со шампионската титула.

Сара и Даниел и во конкуренција на мешани двојки во драматичен натпревар ја освоија титулата. Во петтиот решавачки сет успешно одбранија три меч топки, и првата нивна меч топка да ја реализираат. Водството од 10:7 за противниците не успеа да ги деконцентрира и со пет поени во низа на крај славеа победа.

Во двојки во пионери малку изненадувачки но сосема заслужено државни прваци се Лука дворник и Борјан Цветковски.

Кај пионерките во двојки државни прваци се Софија Хасану и Фани Јованоска.