Драгнеа: Можно е владата да ја повлече уредбата што предизвика масовни протести во Романија
Лидерот на романските вледеачки социјалдемократи, Ливиу Драгнеа, денеска изјави дека владата може да ја повлече уредбата што предизвика масовни протести и меѓународна осуда затоа што декриминализира одредени случаи на корупција, пренесуваат британските медиуми.
Драгнеа, кој ја поддржува политиката на владата, за романскиот ДЦ њуз рече дека ќе се сретне со раководството на партијата за да разговара за спорната уредба.
- Можно е дури да разговараме и за нејзино повлекување, доколку премиерот Сорин Гриндеану тоа го побара. Чувствувам дека не можам под контрола да го држам притисокот на регионалните организации кои на улиците на Букурешт носат милиони луѓе, рече тој и додаде дека не сака да гледа „Романци кои се борат против Романци или поделена Романија“.
Според него, заради сето ова тој одлучил да се сретне со коалициските партнери за да изнајдат решение.
Социјалдемократската партија (ПСД), заедно со АЛДЕ, има мнозинство во романскиот Парламент.
Премиерот Сорин Гриндеану, член на ПСД, претходно одби да ја повлече уредбата која се смета за најголемата закана за спроведување на реформите, откако Романија стана членка на ЕУ, во 2007 година.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп