Драстично намален водостојот на Вардар кај Јегуновце

Водостојот на реката Вардар на мерното место кај Јегуновце е за 13 пати понизок во споредба со вчера, а на другите три мерни места е речиси ист со вчерашниот.

При тоа нивото на реката е за 28 сантиметри повисоко од просекот за август на мерното место кај Демир Капија, а е исто со просечното на мерното место во Скопје. Пониски од просечните се и водостоите на поголемиот дел од реките во земјава.

Според последните мерења направени од Управата за хидрометеоролошки работи (УХМР), во однос на вчера за по еден сантиметар е намалено и нивото на Охридското и на Преспанското Езеро. Со тоа водостојот на Охридското Езеро е за седум сантиметри понизок од повеќегодишниот просек за вој период од годината, а на Преспанското Езеро е понизок за 1,77 метри. За разлика од нив, нивото на Дојранското Езеро е за 2,54 метри повисоко од просечното.