Друловиќ: Секоја серија има крај

Вечерва се одржа единствениот тренинг на терените на ФФ на Белорусија а претходно прес конференција имаше селекторот Друловиќ и капитенот Шиков. 

„Знаеме дека Белорусија имаше одличен резултат во Словачка и тоа екстра ќе ги мотивира домашните фудбалери што не значи дека се плашиме од оваа средба. Играме добро во одбрана и не очекувам дебакл. Напротив доколку искористиме некоја шанса можеме и да обезбедиме добар резултат...Ова е првпат во мојата кариера да доживеам четири порази во серија но се надевам дека секоја серија има крај. Работиме добро и затоа верувам во оваа селекција-изјави Љубинко Друловиќ кој во првиот тим за утре ги најави Тричковски и голманот од шведскиот Норчепинг, Митов кој треба да го заземе местото на Пачовски кој се повлече од националниот тим. 

Инаку средбата се игра на стадионот на БАТЕ Борисов кој е на 70-тина километри од Минск.