ДУИ и БЕСА: Преговори за Влада се уште нема
Преговори за владина коалиција се уште не се водат, брифираат од ДУИ откако вчера лидерот Али Ахмети се сретна со лидерот на БЕСА Гаши што беше протолкувано како отворена врата за разговори со СДСМ и Зоран Заев.
Сепак, меѓупартиски разговори и контакти има. Официјално од ДУИ и од БЕСА велат дека вчерашната средба Ахмети – Касами не била во функција на договори за ново парламентарно мнозинство.
- Средбата е по барање на Ахмети. Суштински е разговарано за потребата од брзо ставање во функција на институциите и за целосно посветување за почеток на преговорите за членство на ЕУ. Ваквите средби се нормални и позитивни кои придонесуваат за зајакнување на демократските капацитети на сериозните политички партии – велат од БЕСА.
Речиси идентична информација за средбата даде и самиот Ахмети.
И од ДУИ велат дека се уште не почнале со преговори, но според нив јасно е дека тие се победничката партија во албанскиот блок и со тоа легитимен преговарач за во Влада. Неофицијално, преговорите прво ќе почнат со СДСМ која има 46 пратеници заедно со БЕСА, а со тоа и два повеќе од Коалицијата на ВМРО-ДПМНЕ. Партиски извори коментираат дека кои владини ресорси ќе бидат побарани ќе зависи од тоа како ќе тргнат преговорите за премиер Албанец.
Катерина Нешкова
Ново на Сител
-
Поништен огласот за претседател на судот во Кавадарци, Нанев немал право на трет мандат
-
Tекстилството останува без кадар, со ниски плати и непочитување на работничките права
-
Нова енергетска криза – Македонија нема да остане изолирана
-
Пожар во подрум на десеткатница во Чаир, затруени со чад повеќе од 40 лица
-
Иран го нападна Израел
-
Ахмети не сака да биде дел од власта, не бил резервна гума
-
Еден авион дневно ќе слетува на скопскиот аеродром: Германски туроператор ќе носи 35.000 туристи годишно
-
Со нов закон ќе се одземаат ингеренциите на градоначалниците