Думата го усвои законот кој му овозможува на Путин повторно да се кандидира за претседател
Руската Државна дума денеска усвои закон во согласност со измените и дополнувањата на Уставот, кои, меѓу другото, му даваат право на Путин повторно да се кандидира за претседател.
Според една од новите одредби на Уставот на Русија, ограничувањето на бројот на мандати за време на кое едно исто лице може да ја извршува должноста претседател на Русија се однесува на сегашниот лидер на земјата без да се земат предвид неговите претходни претседателски мандати.
Според тоа, ова правило му овозможува на сегашниот лидер да ја извршува должноста претседател на Русија уште два мандати.
Автори на иницијативата за претседателски мандати се пратениците Павел Крашеников и Олга Савастијанова, како и член на Советот на федерацијата, Андреј Клишас, кои го доставија документот до Државната дума во ноември минатата година.
Документот предвидува руски државјанин кој има најмалку 35 години, кој живеел постојано во Русија најмалку 25 години и кој никогаш немал државјанство или дозвола за престој во друга земја, да може да биде избран за претседател на земјата.
Покрај тоа, законот предвидува должноста шеф на Централната изборна комисија да може да ја извршува руски државјанин кој наполнил 30 години.
Ново на Сител
-
Уапсени директори на супермаркети во Мјанмар поради тоа што продавале ориз по многу високи цени
-
МВР: Чекањето на ГП Табановце за влез и излез од државата е поради прогласеното црвено ниво на безбедносен ризик од тероризам во Србија
-
Дел од српската опозиција за „Данас“: Владата ја направи безбедноста фарса
-
Венко Филипче избран за нов претседател на СДСМ, реакции од другите двајца кандидати | ВИДЕО
-
Активни пожари во струмичко и прилепско
-
Од денеска струјата по нова, минимално зголемена цена
-
Српски полицајци во заеднички патроли со црногорски колеги на приморјето
-
Осумнаесет израелски војници ранети во напад на дрон извршен од Хезболах