Двајца мажи пронајдени мртви во викендица

Двајца 30-годишни мажи од Скопје синоќа се пронајдени мртви во викендица во селото Горна Ѓоновица кај Гостивар, потврди СВР Тетово. Од полицијата велат дека случајот бил пријавен синоќа пред полноќ, но детали не се соопштуваат. Лекар констатирал смрт без траги на насилство, а по наредба на јавен обвинител телата се предадени на обдукција која ќе треба да ги открие причините за смртта.