Две години од смртта на Драган Вучиќ
На денешен ден пред точно две години почина еден од најпознатите водители во Македонија, Драган Вучиќ по тешката битка со коронавирусот.
Драган Вучиќ е роден во 1955 година и беше среќно оженет. Неговата сопруга Весна е ќерка на легендарниот гајдаџија Пеце Атанасоски, додека син му Мартин е пејач и директор на Ансамблот за народни песни и ора „Танец“.
Во неговата биографија ќе бидат запишани многу телевизиски проекти кои ги сработил, а особено ќе биде запаметен кога пред 20 години го создаде шоуто „Вашите 5 минути“ – емисија во која се пријавуваа луѓе од целата земја и сакаа да ги покажат своите вокални способности. Драган честопати во интервјуа знаеше да каже дека ние сме биле први во регионот кои сме смислиле едно такво големо музичко натпреварување.
Потоа низ годините следуваа уште многу други емисии во кои гости му беа најголемите ѕвезди од поранешна Југославија, бидејќи Драган беше голем пријател со многу од нив.
Но не само емисиите со кои многу генерации израснаа. Драган остави и голем белег во македонската музичката поп и фолк сцена. „Каде и да одам“, „Твојте очи шараат“, „Ника, Ника, Марика“, „Кате мори Кате“ и многу други композиции се само дел од неговиот музички опус. Во прилог некои од неговите хитови:
„Катерина“
„Ќе те ќарам, ќе те збарам“
„Твоите очи шараат“
„Ника, Ника, Марика“
Драган Вучиќ несомнено ќе остане еден од најзначајните ликови на македонската јавна сцена.
Ново на Сител
-
Трамп го разгледува новиот предлог од Иран
-
Ракометарите на Охрид на пенали го елиминираа Целје за историско финале во ЕХФ Европскиот куп
-
Светски ден на слободата на медиумите: Слободните медиуми темел на секое демократско општество
-
Променливо облачно со локален дожд и засилен северен ветер
-
Папата Лав XIV ги повика богатите католици од САД да продолжат со донациите
-
Јужнокорејскиот министер за надворешни работи разговараше со иранскиот колега за Ормуз
-
Русија за седум дена лансира 1.600 дронови кон Украина, значително помалку од минатата недела
-
МВР: Приведени 14 лица за безобѕирно управување возило, меѓу нив и малолетник без возачка
