Две лица се повредени во вооружен напад во скопската населба Железара

Ноќеска во 00.21 часот во СВР Скопје било пријавено дека на ул.„Ферид Бајрам“ биле слушнати истрели од огнено оружје. Полициски службеници излегле на местото и било констатирано дека И.А.(29) и С.Р.(35), двајцата од Скопје, биле повредени од огнено оружје и било оштетено патничко возило „ауди“, сопственост на Е.С.(33) од Скопје. Повредените биле пренесени во болницата „Систина“ за укажување медицинска помош. Се преземаат мерки за расчистување на случајот.