Џо Бајден во посета на Истанбул
Американскиот потпретседател Џо Бајден пристигна синоќа од Давос во важна посета на Истанбул, објави весникот „Милиет“.
Бајден ќе се сретне со премиерот Ахмет Давутоглу и со претседателот Реџеп Таип Ердоган, а утре ќе има средби со граѓански организации.
Главна тема на разговорите на Бајден со турските лидери се очекува да биде борбата против џихадистичката група „Исламска држава“ во Ирак и во Сирија. Најважното прашање за време на разговорите ќе бидат дејствијата на Русија во Сирија, наведува весникот.
Пораките, упатени од САД во врска со дејствијата на Русија во Сирија, уште повеќе го засилија меѓународниот интерес кон посетата на Бајден на Истанбул, пишува „Милиет“.
Весникот го цитира американскиот министер за одбрана Ештон Картер, кој во Париз изјави дека Русија прави погрешен стратегиски чекор во Сирија.
Во врска со посетата на Бајден на Истанбул, ќе бидат преземени зајакнати мерки за безбедност, најмногу во квартот Бешикташ, каде се наоѓа хотелот „Конрад“, во кој ќе престојува Бајден. Улиците во реонот ќе бидат затворени за движење.
Ново на Сител
-
Каселакис до Мицотакис: Ако сметате дека Договорот од Преспа е предавнички, еве Ви шанса да го поништите, но нема да го сторите тоа
-
Приведен дилер во Битола за издржување затворска казна
-
ЦУК: Поплавени подруми и гаража во охридско од поројниот дожд
-
Путин одржа состанок за поплавите и пожарите во Русија
-
Украинското воздухопловство ги соборило сите 37 дронови лансирани од Русија
-
Израелската војска соопшти дека пронашла тело на уште еден заложник во Појасот Газа
-
Најмногу дожд во Охрид во изминатите 24 часа
-
Украина побарала помош од САД за напади на територијата на Русија