Џон Кери на средба со Федерика Могерини и иранскиот министер за надворешни работи

Американскиот државен секретар Џон Кери денеска ќе ја посети Виена, каде ќе се сретне со колегите од Иран и ЕУ, неколку дена пред планираното спроведување на иранскиот нуклеарен договор, соопшти Стејт департмент.

Кери во главниот град на Австрија ќе разговара со високиот претставник за надворешна политика и безбедност на ЕУ Федерика Могерини и иранскиот министер за надворешни работи Мохамад Џавад Зариф, соопшти портпаролот Марк Тонер.

Иранскиот нуклеарен договор треба да гарантира дека Иран нема да се стекне со нуклеарно оружје, а во замена треба да бидат повлечени меѓународните санкции кон Техеран.