Џонсон: Ја преземам целата одговорност за владиниот одговор на Ковид-19
Британскиот премиер Борис Џонсон денеска изјави дека ја презема целосната одговорност за владиниот одговор на пандемијата со новиот коронавирус и негираше дека се обидел да ги обвини здравствените работници за ширење на Ковид-19.
Џонсон беше критикуван откако изјави дека поединечни медицински работници не ги следеле процедурите за запирање на бројот на починати од последици од новиот коронавирус, а лидерот на опозициските лабуристи, Кир Страмер повеќепати бараше извинување од британскиот премиер.
Џонсон денеска во Парламентот изјави дека немал намера да ги обвини здравствените работници за тоа што се случи со пандемијата.
– Кога е во прашање преземање на вина, ја преземам целата одговорност за тоа што се случи. Една работа што никој не ја знаеше за време на пандемијата е дека вирусот се пренесува асимптоматски од човек на човек и затоа насоките и процедурите се сменија, посочи Џонсон.
Велика Британија е на трето место во светот по бројот на починати од последици од Ковид-19 со потврдени 44.391 смртни случаи. Во земјата вкупно регистрирани се 286.349 инфицирани луѓе.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден