Еден милион кинески функционери казнети поради корупција
Над еден милион функционери се казнети поради корупција во последните три години во Кина, соопшти денеска кинеската Влада.
Уште 409 лица кои биле во бегство во странство се уапсени оваа година.
Податоците се објавени пред почетокот на Шестиот пленум на Комунистичката партија на Кина.
На состанокот во ексклузивниот хотел Џингси ќе присуствуваат речиси 400 највисоки функционери на партијата, кои во следните четири дена ќе разговараат за промени во начинот на управување со партијата со акцент на „партиската дисциплина“.
Шестиот пленум се одржува во момент кога Комунистичката партија на Кина има повеќе од 88 милиони членови и се соочува со период на „тектонски промени“.
Од доаѓањето на чело на партијата во 2012 година, генералниот секретар Си Џинпинг се обидува да ја наметне својата волја и да преземе повеќе власт.
Ново на Сител
-
Страотна сообраќајка кај скопско Влае - тројца повредени
-
ДИК: Гласаат болни и изнемоштени лица, затвореници и дијаспора
-
Избори во Идризово, гласаат близу 900 затвореници
-
Во Штип гласаат болни и изнемоштени, излезноста со ист процент како и во првиот изборен круг
-
МВР подготвено за избори
-
ЕУ одблизу го следи изборниот процес, очекува идната Влада да биде посветена на европскиот пат
-
Растат трошоците за живот
-
Ангелоски: Замислете какво е чувството да платите, а веќе утредента да не важат повисоките цени