Единаесет деца повредени при напад во детска градинка во Кина

Маж денеска со нож повреди 11 деца во детска градинка во кинескиот автономен реон Гванси-Чуан, објави државната телевизија.

Напаѓачот се прекачил преку ѕидот на детската градинка во градот Пингсјан и ги нападнал децата.

Повредените деца веднаш биле пренесени в болница, но се надвор од животна опасност.

Напаѓачот бил уапсен од полицијата и е започната истрага за случајот.