Едно лице загина - Детали за пукотницата во Куманово

Едно лице загина, а две се повредени во вооружен инцидент што околу 15:30 се случи во кумановската населба Бедиње, потврди полицијата.  

Кумановската полиција попладнево излезе со првични информации за убиството. Портпаролката на СВР Куманово Валентина Николовска, изјави дека во 15:30 часот во населбата Бедиње се случил вооружен инцидент помеѓу две групи. 

- Едното лице е починато, едно е повредено и поради сериозноста на повредите пренесено е во Ургентниот центар во Скопје, а едно е задржано во кумановска болница, рече Николовска.

Увидот на полицијата и на основен јавен обвинител се уште трае. СВР Куманово трага по лицата кои учествувале во вооружениот инцидент и се работи на целосно расчистување на настанот. 

Дел од медиумите известуваат дека настраданите во пукањето се членови на Демократската унија за интеграции и оти убиениот бил кандидат за претседател на огранокот на партијата.